ЗУГААТАЙ ЗУНЫ ХӨГЖИЛТЭЙ УНШЛАГА

Ланс 2-р багтай хамтран Зуны зугаатай уншлага арга хэмжээг хүүхэд багачуудын дунд амжилттай зохион байгууллаа.Энэхүү арга хэмжээнд “Номын уншлага” хийж Үлгэрийн ном, Оюун ухаан, Танин мэдэхүй, Адал явдалт номнуудыг уншиж, дүгнэлт хийн утга санааг хамтран ярилцлаа.Уншигч хүүхдүүддээ зориулан Нэг төө өвгөн, Нугасны муухай дэгдээхэй, Ухаантай хүү, Худалч гүнж зэрэг үлгэрүүдийг дэлгэцээр үзүүлж, үлгэрээс авах сургамж, эерэг ба эсрэг дүрүүдийн тухай үеийн найзтайгааа хамтран ярилцсан. Мөн “АХА” тэмцээн, эвлүүлдэг “PUZZLE” зэрэг тоглоомуудыг хүүхдүүдийн дунд зохион байгуулахад мэдлэг оюунаа уралдуулан баг хамт олноороо идэвхитэй оролцож байлаа. АХА тэмцээнд 45-н хүүхэд оролцсоноос 1-р байранд Хүмүүн Цогцолбор бага сургуулийн 6а ангийн сурагч Ирмүүн. 2-р байранд Хүмүүн Цогцолбор бага сургуулийн 4б ангийн сурагч Тэмүүлэн 3-р байранд бага насны ангилалд Ариун-Эрдэнэ нар тус тус байр эзэллээ.Эвлүүлдэг “PUZZLE” тоглоомд багаараа оролцож бусдаасаа түрүүлж эвлүүлсэн хүүхдүүдэд ном өгч урамшууллаа.Арга хэмжээнд оролцсон насанд хүрэгчид болон хүүхдүүдэд номын сангийн уншигчийн картыг үнэгүй нээсэн.Хамтран зохион байгуулахад идэвхитэй оролцсон Н.Мөнх-Өнөр  даргатай хамт олонд талархал дэвшүүлж ажлын амжилт хүсье.